Incredible ....

Gone are the days!!! When I was still a boy!!! Smoking a cigarette in secret was the only joy!!! When,impressing my first crush,was the only dream I had... Reaching home late and sneaking through the closed door, were like those horror nights.. Where getting caught by dad was like a nightmare come alive.. Mom!!...Mom use to be my best friend, and she use to save me from all those pot-holes of criticism and despair, which otherwise would have drowned my childhood, and I would have stood like a loner and would have perished admits the crowd. She was always there, holding an umbrella of faith, while I danced in the rain!! Cherishing every drop of rain which trickled down my chic.. One morning my alarm clock rang!! [tringggg]].... I woke up startled!!... and realized all this to be a dream of my past...  I jumped off my bed!!.. and looked in the mirror, and saw a strange face staring back at me..like he knows me soo well. He seemed to look all grown up, but had a hint of his childhood ...

tarazu meh rakh k jab taqdeer tauli maine.. ek muthhi bhukh aur do muthhi gareebi neh sara balance bigaad diya.. sauda huya.. toh zindagi jhulash gayi, jhopad-patti k machano pe.. gar na sauda huya hota,toh bhi kaha hum mehlo k kdidkiyo se jhaakte nazar aate.. janab, do rupey kam pad rahe hai bas..kya udhaar denge??.. hath jo aage badhaya umeed bhai nigaaho se, do rupey toh na mile par jillat jarur mili.. janab! yeh aap ka samaan utha lu?.. railway k ush paar chhod bhi aaunga.. paise ki chinta na kare..jitna mann kare utna de.. ya fir na bhi de toh chalega.. hath jo aage badhaya umeed bhai nigaaho se,saamne se apna samaan thamate huye usne aakhir keh hi diya.. "Bade achhe majdurr jaan padte ho" waise mujhe bura nahi lga, majdur sunn kar.. Insaano ki ginti meh aata hu, mai kab ka bhul chuka hu... Railway pool ko paar kar k, main wapas khaali hath laut aaya ajh bhi.. Ajh fir se ek muthhi bhukh aur do muthhi gareebi neh sala pura balance bigaad diya..

Shorr bahoot karte ho tum..Kabhi khamoshi se bhi jta diya karo.. jaate vqt ghar k lights band kar jana.. vo dush kadam ki duri par jo lamp rakhi hai, usse bhi bujha dena.. itna andhera kar jana k tumhari parchhai tak dikhai na de mujhe.. itni khamoshi bhar jana ki tumhari aahat bhi bezubaan ho jaaye.. vo hawa jab mere kamre ki khidkiyo ko awaaz de, toh unhe kundiyo se jakad dena.. ghar k bell ko bhi madham si nind sula jana.. ssshhhhhh!!!!!! shor bahoot karte ho tum , kabhi khamoshi se bhi jta jana..

Ajh raat ek sapne ne der tak jagaye rakha.. jhule meh bachpan ko jhulta dekh, aankhe band hone ka naam hi nahi le rahi thi.. ajh bhi vo bargad ka ped mere bachpan ko sanjoye baitha hai.. aur mai inn seher ki galiyo meh khushi dhundhti fir rahi hu.. bas darr itna sa hai, k kahi ye bheed mere bargad k ped ko buda na kar de.. fir kaha jaungi mai ush khoye huye bachpan ko dhundhte huye.. yeh seher ki galiya toh kab ki chhoti pad chuki hai..

sabrr kar.. tu bas sabrr kar.. lambi chalegi inn aankho pe unn khowaisho ki dhundh.. bich meh sayad kuchh yaado k kohre bhi raasta rok khade ho jaaye.. pahado pe chhadh k jo sukun ki saans leta tha tu, sayad tujhse vo bhi chhin jaye.. sehero ki galiyo meh tera shor kahi gumm na ho jaye.. zindagi bahoot hi chhoti hai, kahi yeh samajhne meh puri umr na guzar jaye.. tu bas unn aadato ko fir bhi barkaraar rakh.. ret meh jo kile banaye the, bas tu unko nihaar kar, apni koshisho pe aitbaar kar.. sabr kar.. tu bas sabrr kar..

Suno... Ajh kuchh mitha banana... Raat ki peher meh mahino guzaar ajh vo Ghar aa Raha hai... Bachpan se uski zid thi k,vo aasmaan meh apne tirange ki pehchaan chhod jaaye... Ajh bhi mujhe vo din yaad hai jab, Verma ji ki tuti cycle k pahiyo se motor lga k vo gamlo ko aakaar Diya karta tha... Uski aankhe maano kumhaar k maati ki tarah saral aur sehej ho Jaya karti thi... Tumhe yaad hai kaise vo apne nanhe hatho se tumhare baalo ko kheech khilkhila uthta tha... Tumhara udaas chehra dekh fir vo tumhe hasha bhi Diya karta tha... Lagta hai maano Kal hi ki baat ho, jab usne dasvi kaksha meh top Kiya tha aur hum phule nahi samaa rahe the... Suno ajh vo Ghar aa Raha hai,uska swagat muskurahat bhari nazro se toh karogi na????.... Yaado ki dher meh gumm toh nahi ho jaogi??... Jao tum kitchen sabhalo, Mai bazaar za thodi khushiya kharid lata hu... Barso se Jo adhuri khowaish thi, unhe bhi Puri Kar lata hu... Sayad laut-te usse bhi sath le aau, jaise bachpan meh laya karta tha... Suno, humari raah...

kabhi kisi ne kaha tha, jab tum aaogi toh lamhe tham jaya karengi samandar k unn lehro ki tarah.. par unhone yeh ni kaha tha ki unke kadmo meh ja k hum ret se mil jaenge.. hum kaafir hai, aur vo mukkamal humari kismat meh nahi.. vajah kuchh aur thi ish berukhi ko jataane ki.. ungaliyon se jab unke chhutt kar hum unn taaro se ja mile.. gehrai bahoot thi, par andhere meh kahi goom se ho gaye vo.. unhe toh hum bhi na dhundh paye,fir ish duniya ki kya mazaal thi.. patharo ki dher meh sayad hum ek jaan dhundh rahe the.. alvida sabd ka matlab bhi hume vqt ne shikhaya.. varna sayad hum "fir milenge" meh hi atak k reh jaatein.. taakh pe rakh k umeedein ajh hum khud se ruth gaye.. yun laga jaise janmo se kahi baatein ajh takhtt pe se chhutt gaye.. Aur vo jaate jaate bas itna keh gaye k jab tum aaogi toh lamhe tham jaya karengi samandar k unn lehro ki tarah..