Ajh Kuchh Mitha Banana!!!

Suno... Ajh kuchh mitha banana...

Raat ki peher meh mahino guzaar ajh vo Ghar aa Raha hai...

Bachpan se uski zid thi k,vo aasmaan meh apne tirange ki pehchaan chhod jaaye...

Ajh bhi mujhe vo din yaad hai jab, Verma ji ki tuti cycle k pahiyo se motor lga k vo gamlo ko aakaar Diya karta tha...

Uski aankhe maano kumhaar k maati ki tarah saral aur sehej ho Jaya karti thi...

Tumhe yaad hai kaise vo apne nanhe hatho se tumhare baalo ko kheech khilkhila uthta tha...

Tumhara udaas chehra dekh fir vo tumhe hasha bhi Diya karta tha...

Lagta hai maano Kal hi ki baat ho, jab usne dasvi kaksha meh top Kiya tha aur hum phule nahi samaa rahe the...

Suno ajh vo Ghar aa Raha hai,uska swagat muskurahat bhari nazro se toh karogi na????....

Yaado ki dher meh gumm toh nahi ho jaogi??...

Jao tum kitchen sabhalo, Mai bazaar za thodi khushiya kharid lata hu...

Barso se Jo adhuri khowaish thi, unhe bhi Puri Kar lata hu...

Sayad laut-te usse bhi sath le aau, jaise bachpan meh laya karta tha...

Suno, humari raah dekhna,... Kahi tum sehem toh nahi jaogi????...

Usse tirange meh lipta dekh bikhar toh nahi jaogi???...

Darwaaze ki ghanti ne mahaul thoda badal sa Diya...

Itni der se Jo Mann behelne ki koshish Kar Raha tha, usse chhal sa Diya...

Kiwaad khol jab vardi ki thaath meh khade nauzawan ki hath meh uske khun se latpat kapde dekhe toh Dil dehel sa Gaya...

Durr coffin meh rakhe uske sarir ko maano Mai bhaap sa Gaya...

Meri aankhe aasuyo ko raasta de hi rahi thi,ki maano lab khud muskurahat meh badal Gaye...

Sunooo.... Vo Ghar aa gya...muh mitha karao... Vo Ghar aa gya...

Ish bar Hume chhod k vo kahi nahi jaega..

Kabhi nahi jaega....

Kabhi nahi jaega.... 💞💞💞💞💞💞💞